Նեյմար. ԱԱ-2014-ի եզրափակիչում կերկրպագեմ Արգենտինային
19:57 11 հուլիսի, 2014Բրազիլացու համար պարադոքսալ է, սակայն աշխարհի առաջնության եզրափակիչում երկրպագելու եմ Արգենտինայի հավաքականին, ասել է Բրազիլիայի հավաքականի եւ կատոլանական «Բարսելոնայի» հարձակվող Նեյմարը, հաղորդում է Bild-ը:
«Արգենտինան ու Բրազիլիան հավերժ ֆուտբոլային թշնամիներ են, սակայն այս եզրափակիչում երկրպագելու եմ արգենտինացիներին, եւ դա պարադոքսալ է: Սակայն ես կերկրպագեմ ավելի շատ Մեսիին, քան Արգենտինայի հավաքականին: Ես ցանկանում եմ, որ Մեսին ու Մասկերանոն հաղթեն: Մեսին զգալի դեր է խաղում այսօրվա ֆուտբոլում: Նա արժանի է չեմպիոնական տիտղոսին: Ես միշտ լավագույնն եմ ցանկանում իմ ակումբակիցների համար: Եւ այդ պատճառով հույս ունեմ, որ Արգենտինան կհաղթի»,- ասել է Նեյմարը, որը ողնաշարի վնասվածքի պատճառով երկու ամիս չի խաղա:
Հուլիսի 13-ին Ռիոյի «Մարականա» ստադիոնում կայանալիք աշխարհի առաջնության եզրափակիչում Արգենտինայի մրցակիցը կլինի Գերմանիայի հավաքականը: Հուլիսի 12-ին Բրազիլիան ու Հոլանդիան կմրցեն բրոնզե մեդալների համար:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.