Ժոզե Մոուրինյո. ԱԱ-ի երրորդ տեղի խաղը «շատ վատ գաղափար» է
17:40 11 հուլիսի, 2014Ֆուտբոլի աշխարհի առաջնություններում երրորդ տեղի համար հանդիպում անցկացնելը «շատ վատ գաղափար» է, ասել է Լոնդոնի «Չելսիի» պորտուգալացի գլխավոր մարզիչ Ժոզե Մոուրինյոն, որը ԱԱ-2014-ի օրերին eurosport.yahoo.com-ի ֆուտբոլային դեսպանն է՝ ներկայացնելով բացառիկ մեկնաբանություններ:
«Կիսաեզրափակիչում պարտվելուց հետո ցանկանում ես գնալ տուն եւ լացել, ցանկանում ես գնալ կնոջդ, երեխաներիդ մոտ եւ հանգստանալ: Ես պատկերացնել չեմ կարող, որ Չեմպիոնների լիգայի կիսաեզրափակիչում պարտվելուց հետո դեռ մի հատ էլ հանդիպում պետք է ունենամ: Ուիմբլդոնի մրցաշարի կիսաեզրափակիչում 5 ժամ խաղալուց ու պարտվելուց հետո թենիսիստը չի գնում երրորդ տեղի համար խաղալու: Աշխարհի առաջնության են մեկնում գավաթը նվաճելու համար: Երրորդ տեղի համար հանդիպումը պետք է վերացնել»,- ասել է Ժոզե Մոուրինյոն:
Հիշեցնենք, որ Եվրոպայի առաջնություններում երրորդ տեղի համար հանդիպում չի անցկացվում 1984 թվականից, իսկ կիսաեզրափակիչում պարտվող թիմերը ստանում են բրոնզե մեդալներ:
Բրազիլիայում ընթացող աշխարհի առաջնության բրոնզե մեդալները կվիճարկեն Բրազիլիայի եւ Հոլանդիայի հավաքականները: Հանդիպումը տեղի կունենա հուլիսի 12-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.