ԱԱ-2014. Ռմբարկուական մրցավազքում բուքմեյքերների ֆավորիտը Խամես Ռոդրիգեսն է

15:10   11 հուլիսի, 2014

Բրազիլիայում ընթացող ֆուտբոլի աշխարհի առաջնության ռմբարկուական մրցավազքում բուքմեյքերները ֆավորիտ են համարում Կոլումբիայի հավաքականի եւ «Մոնակոյի» հարձակվող Խամես Ռոդրիգեսին: 22-ամյա կոլումբացու՝ ԱԱ-2014-ի լավագույն ռմբարկու դառնալու գործակիցը 1.44 է:

Ռոդրիգեսը Բրազիլիայում խփել է 6 գոլ եւ մեկ գնդակով գերազանցում է Գերմանիայի հավաքականի եւ Մյունխենի «Բավարիայի» կիսապաշտպան Թոմաս Մյուլերին: Գերմանացու՝ «Ոսկե խաղակոշիկին» արժանանալու գործակիցը 3.5 է: Երրորդ տեղում 4 գոլ խփած արգենտինացի Լիոնել Մեսին է՝ 4 գործակից: 3-ական անգամ աչքի ընկած հոլանդացիներ Արյեն Ռոբենի լավագույն ռմբարկու դառնալու գործակիցը 51 է, իսկ Ռոբին վան Պերսիինը՝ 67:

Հիշեցնենք, որ եզրափակիչում հանդիպելու են Գերմանիան ու Արգենտինան, իսկ Բրազիլիան ու Հոլանդիան մրցելու են երրորդ տեղի խաղում:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։