Հումելս. Չեմ ասել, որ պայմանավորվել ենք չնվաստացնել Բրազիլիային
13:50 11 հուլիսի, 2014Դորտմունդի «Բորուսիայի» եւ Գերմանիայի հավաքականի պաշտպան Մատս Հումելսը հերքել է լուրերը, թե բրազիլացիների նկատմամբ ԱԱ-2014-ի կիսաեզրափակիչում 7:1 հաշվով հաղթանակից հետո ինքը հայտարարել էր, որ գերմանացիները պայմանավորվել էին չնվաստացնել դաշտի տերերին:
«Չեմ կարող պատկերացնել, որ կարող էի ասել, թե մենք պայմանավորվել էինք չնվաստացնել Բրազիլիային կամ այդ կարգի ինչ-որ այլ բան: Ես այդպես չեմ արտահայտում մրցակիցների մասին: Մենք պարզապես գերկենտրոնացած էինք այս խաղում եւ չէինք փորձում նվաստացնել բրազիլացիներին: Դա այն է, ինչ ես նկատի ունեի: Երեւի, պետք է անգլերենի եւս մի քանի դասեր վերցնեմ»,- թվիթերյան էջում գրել է Հումելսը:
Հիշեցնենք, որ Բրազիլիայում ընթացող ֆուտբոլի աշխարհի առաջնության եզրափակիչում Բունդեսթիմը հանդիպելու է արգենտինացիներին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.