Արթուր Աբրահամ. Բոլոր ֆուտբոլիստները մեծ դերասաններ են

23:40   9 հուլիսի, 2014

Կարծում եմ՝ բոլոր ֆուտբոլիստները մեծ դերասաններ են: Հարված ստացած ֆուտբոլիստները սիրում են ընկնել խոտածածկին՝ ցույց տալով շոու:

Այս մասին հայտարարել է պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի չեմպիոն Արթուր Աբրահամը, ով GOBrasil հաղորդման եթերում խոսել է ֆուտբոլի մասին: 

Արթուր, դուք, ինչպես ցանկացած հայտնի մարզիկ, երեւի մի օր ցանկացել եք դառնալ ֆուտբոլիստ: Բացի այդ, դուք Դորտմունդի «Բորուսիայի» կիսապաշտպան Հենրիխ Մխիթարյանի հայրենակիցն եք: Նրա հետ կապ պահպանո՞ւմ եք: 

Այո, ես ֆուտբոլի մեծ սիրահար եմ: Հետեւում եմ Մխիթարյանի ելույթներին: Նրա հետ կապ պահպանում ենք:

Ֆուտբոլ խաղալիս ո՞ր դիրքում եք հանդես գալիս:

Իհարկե, հարձակման գծում:

Արթուր, ֆուտբոլում շատ են խախտումները: Ըստ Ձեզ՝ ֆուտբոլն ավելի՞ կոպիտ մարզաձեւ է, քան բռնցքամարտը:

Սպորտը միշտ կոպիտ է: Միանշանակ, ֆուտբոլը ձեզ համար շախմատ չէ: Թե՛ ֆուտբոլում, թե՛ բռնցքամարտում ընթանում է թեժ պայքար: Կոշտ պայքարը ֆուտբոլի մի մասն է դարձել: Իհարկե, ես նկատի չունեմ Նեյմարի վնասվածքի դրվագը: Նման վնասվածքները հազվադեպ են ֆուտբոլում: Կարծում եմ՝ բոլոր ֆուտբոլիստները մեծ դերասաններ են: Հարված ստացած ֆուտբոլիստները սիրում են ընկնել խոտածածկին՝ ցույց տալով շոու:

Իսկ ո՞վ է ամենալավը խաղում Բրազիլիայում ընթացող ֆուտբոլի աշխարհի առաջնությունում:

Մեսին: Նեյմարը նույնպես լավն էր, սակայն նա Մեսի չէ:



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։