Ֆրանց Բեկենբաուեր. Գերմանիան կհաղթի Բրազիլիային 2:0 հաշվով
12:05 8 հուլիսի, 2014Ֆուտբոլի աշխարհի առաջնության կիսաեզրափակիչում Գերմանիայի հավաքականն առավելության կհասնի բրազիլացիների նկատմամբ, կանխատեսել է Մյունխենի «Բավարիայի» պատվավոր նախագահ, Գերմանիայի հավաքականի լեգենդար խաղացող, 1974թ. աշխարհի չեմպիոն Ֆրանց Բեկենբաուերը, փոխանցում է Bild-ը:
«Կարծում եմ՝ 2:0 հաշվով կհաղթի Գերմանիայի հավաքականը: Հնարավոր է՝ դա տեղի ունենա լրացուցիչ ժամանակում: Այս մրցաշարում Գերմանիայի հավաքականը մինչեւ հիմա շատ լավ է խաղացել: Բրազիլացիները հսկայական ճնշում են զգում իրենց վրա: Իրավիճակը կարելի է համեմատել 1990թ. աշխարհի առաջնության հետ»,- ասել է Ֆրանց Բեկենբաուերը:
Նշենք, որ 1990թ. աշխարհի առաջնության եզրափակիչը տեղի է ունեցել հուլիսի 8-ին Հռոմում: Գերմանիայի հավաքականը 1:0 հաշվով պարտության մատնեց արգենտինացիներին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.