ՖԻՖԱ-ն չպատժեց Նեյմարին վնասվածք հասցրած Սունիգային եւ ուժի մեջ թողեց Տիագո Սիլվայի որակազրկումը
21:30 7 հուլիսի, 2014ՖԻՖԱ-ի կարգապահական կոմիտեն որոշել է չպատժել Կոլումբիայի հավաքականի եւ «Նապոլիի» պաշտպան Խուան Կամիլո Սունիգային, ով բրազիլացիների դեմ ԱԱ-2014-ի քառորդ եզրափակիչի խաղի վերջնամասում ծնկով հարվածել էր «Բարսելոնայի» հարձակվող Նեյմարին՝ կոտրելով բրազիլացու գոտկատեղի հատվածի երրորդ ողի ելուստը:
Բացի այդ, ՖԻՖԱ-ն չի ընդունել բրազիլացիների բողոքը ֆրանսիական ՊՍԺ-ի պաշտպան Տիագո Սիլվայի որակազրկման վերաբերյալ: Կոլումբացիների դեմ ԱԱ-2014-ի քառորդ եզրափակիչի խաղում Բրազիլիայի հավաքականի ավագը երկրորդ դեղին քարտն էր ստացել մրցաշարում եւ բաց կթողնի գերմանացիների դեմ կիսաեզրափակիչը, տեղեկացնում է ՖԻՖԱ-ի կայքը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։