Յոահիմ Լյով. Իսկական ճակատամարտ կտանք Բրազիլիային

16:54   7 հուլիսի, 2014

Մենք կմշակենք հատուկ ծրագիր եւ իսկական ճակատամարտ կտանք Բրազիլիայի հավաքականին, ասել է Գերմանիայի հավաքականի գլխավոր մարզիչ Յոահիմ Լյովը՝ խոսելով աշխարհի առաջնության կիսաեզրափակիչի հանդիպման մասին:

«Չորս առաջնություն անընդմեջ մենք կիսաեզրափակիչում ենք, եւ դա թույլ է տալիս ասել, որ մենք հետեւողական հանդես ենք եկել ամենաբարձր մակարդակում: Դա առանձնահատուկ եւ զարմանալի երեւույթ է: Մենք անհամբերությամբ սպասում ենք վաղվա խաղին: Բոլոր գերմանացիները պետք է վստահ լինեն, որ մենք հուլիսի 13-ին Ռիոյի «Մարականայում» խաղալու աներեւակայելի ցանկություն ունենք:

Բոլորս գիտենք, թե ինչքան ուժեղ է Բրազիլիան: Նրանք հենց սկզբից գլխավոր ֆավորիտն էին: Ցավալի է, որ մրցակիցը կխաղա առանց երկու առաջատարների: Ես շատ եմ ցավում, որ Նեյմարը բացակայելու է: Նա զարմանալի ֆուտբոլիստ է: Ամբողջ Բրազիլիայի համար է ցավալի նրա բացակայությունը»,- Լյովի խոսքը մեջբերում է welt-ը:

Բրազիլիա - Գերմանիա հանդիպումը հուլիսի 8-ին է:



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։