Աշխարհի չեմպիոն Պաուլ Բրայտներ. 9 ֆուտբոլիստ տանջվում է, իսկ Օզիլը զբոսնում է
15:55 7 հուլիսի, 2014Ֆուտբոլի Գերմանիայի հավաքականի լեգենդար պաշտպան, աշխարհի ու Եվրոպայի չեմպիոն Պաուլ Բրայտները սուր քննադատության է ենթարկել աշխարհի առաջնությունում Գերմանիայի հավաքականի եւ Լոնդոնի «Արսենալի» կիսապաշտպան Մեսութ Օզիլի գործողությունները եւ Բունդեսթիմի գլխավոր մարզիչ Յոահիմ Լյովին, որն ամեն անգամ մեկնարկային կազմում ընդգրկում է Օզիլին, հաղորդում է Bild-ը:
«Եթե հավաքականի մարզիչ Յոահիմ Լյովը համարձակ է, ապա կասի, որ «չեմ խաղում այլեւս տասը ֆուտբոլիստներով» եւ Մեսութ Օզիլին կթողնի պահեստայինների նստարանին: Դա կլինի աշխարհի գավաթին տանող ճանապարհին հաջորդ կարեւոր քայլը եւ լավագույն որոշումը՝ հանուն ազգային թիմի հաջողության: Ինը ֆուտբոլիստները տանջվում են 90 րոպե, իսկ Մեսութն այդ ընթացքում զբոսնում է խաղադաշտում»,- ասել է Բրայտները:
Հուլիսի 8-ին կայանալիք աշխարհի առաջնության կիսաեզրափակիչում Գերմանիայի հավաքականը կմրցի բրազիլացիների հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։