Իգուաին. Կիսաեզրափակիչում գոլս կնվիրեմ Ալֆրեդո Դի Ստեֆանոյին
13:50 7 հուլիսի, 2014Ֆուտբոլի Արգենտինայի հավաքականի եւ իտալական «Նապոլիի» հարձակվող Գոնսալո Իգուաինը խոստացել է աշխարհի առաջնության կիսաեզրափակիչում գրավել Հոլանդիայի հավաքականի դարպասը եւ գոլը նվիրել Մադրիդի «Ռեալի» լեգենդար արգենտինացի հարձակվող Ալֆրեդո Դի Ստեֆանոյին, որը սրտի նոպայից հետո արհեստական կոմայի մեջ է, հաղորդում է Goal.com-ը: Հոլանդիա - Արգենտինա հանդիպումը տեղի կունենա հուլիսի 9-ին:
«Դոն Ալֆրեդոյին մաղթում եմ լինել ուժեղ, նա այժմ պայքարում է կյանքի համար: Նա միշտ բարեհամբույր է եղել իմ նկատմամբ: Ես շատ եմ սիրում այդ մարդուն: Նա իմ կողքին էր, երբ ես 18 տարեկանում հայտնվեցի «Ռեալում»: Նա միշտ աջակցում էր ինձ: Ես գոլս կնվիրեմ նրան, որպեսզի նա հաղթահարի այս փորձությունը»,- ասել է Գոնսալո Իգուաինը:
Հիշեցնենք, որ Արքայական ակումբի եւ ՈւԵՖԱ-ի պատվավոր նախագահ Ալֆրեդո Դի Ստեֆանոն հոսպիտալացվել է հուլիսի 5-ին Մադրիդում: 88-ամյա Դի Ստեֆանոն սրտի նոպայի ժամանակ եղել է փողոցում: Նրա շնչառությունը 18 վայրկյան կանգնել է:
Դի Ստեֆանոն «Ռեալի» կազմում փայլուն ակումբային կարիերայից բացի, հայտնի է նաեւ երեք երկրների ազգային հավաքականներում հանդես գալու բացառիկ փաստով: Նա խաղացել է Արգենտինայի (6 խաղ, 6 գոլ), Կոլումբիայի (4 խաղ) եւ Իսպանիայի (31 խաղ, 23 գոլ) հավաքականներում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.