Խամես Ռոդրիգեսը՝ գեղեցկուհի կնոջ եւ դստեր հետ. հետաքրքիր փաստեր (ֆոտոշարք)
13:23 7 հուլիսի, 2014Թեեւ ֆուտբոլի Կոլումբիայի հավաքականը դուրս է մնացել աշխարհի առաջնությունից, սակայն թիմի առաջատար եւ աշխարհի առաջնության ընթացիկ լավագույն ռմբարկու (6 գոլ) Խամես (Ջեյմս) Ռոդրիգեսն այս օրերին մնում է ամենաքննարկվող ֆուտբոլիստներից մեկը: Արքայական ակումբի տրանսֆերային ցուցակում հայտնվելուց հետո նրա արժեքը հասել է մինչեւ 80 միլիոն եվրոյի, թեեւ աշխարհի առաջնությունից առաջ նրա տրանսֆերը գնահատվում էր մոտ 40 միլիոն եվրո:
1991թ. հուլիսի 12-ին ծնված Խամես Ռոդրիգեսն ունի 178 սմ հասակ, կայուն քաշը 77 կգ է: Նրա մականուններն են Ջեյմս Բոնդ, Բամ-Բամ, Բանդիտո, Ջեսի Ջեյմս: Կինը Կոլումբիայի հավաքականի դարպասապահ Դավիդ Օսպինայի կրտսեր քույր Դանիելան է: Նա եղել է պրոֆեսիոնալ վոլեյբոլիստուհի: Ամուսնանալուց հետո ավարտել է կարիերան: Դուստրը մեկ տարեկան է: Նրա անունը՝ Սալոմեա, դաջված է Խամես Ռոդրիգեսի ձեռքին:
Սկանդալային բարձրաշխարհիկ լրահոսում զույգը չի նկատվել: Մոնակոյում նրանք ազատ ժամանակն անցկացնում են դստեր հետ, հաճախ են գնում եկեղեցի: Ռոդրիգեսը պաշտում է ընտանիքը, իսկ առաջին վաստակած մեծ գումարով Կոլումբիայում առանձնատուն է կառուցել պապի եւ տատի համար: Արձակուրդը Ռոդրիգեսն ու կինը միշտ անցկացնում են հայրենիքում: Դանիելա Օսպինան Մեդելյին քաղաքից է, որը 80-ականներին հայտնի էր Պաբլո Էսկոբարի նարկոկարտելով:
Ռոդրիգեսը «Բանֆիլդի» կազմում 2009թ. Արգենտինայի չեմպիոն է (Ապերտուրա), «Պորտուի» կազմում՝ 2010-2013թթ. Պորտուգալիայի չեմպիոն, 2011թ. Եվրոպայի լիգայի գավաթակիր, «Մոնակոյի» կազմում՝ Ֆրանսիայի փոխչեմպիոն:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.