ԱԱ-2014. Սերխիո Ագուերոն պատրաստ կլինի Հոլանդիայի դեմ խաղին
12:22 7 հուլիսի, 2014Ֆուտբոլի Արգենտինայի հավաքականի հարձակվող Սերխիո Ագուերոն աշխարհի առաջնության փլեյ-օֆֆի բաց թողած հանդիպումներից հետո վերսկսել է մարզումները: Նիգերիայի դեմ խմբային խաղում Ագուերոն ստացել էր ձախ ազդրի մկանների վնասվածք: Նա չկարողացավ մասնակցել Շվեյցարիայի եւ Բելգիայի դեմ փլեյ-օֆֆի հանդիպումներին: Այժմ Սերխիո Ագուերոն արդեն մարզվում է ընդհանուր խմբի հետ, հաղորդում է Goal.com-ը:
Արգենտինայի հավաքականի բժիշկ Դանիել Մարտինեսը հայտնել է, որ Ագուերոն պատրաստ կլինի Հոլանդիայի դեմ խաղին: Այս առաջնությունում մասնակցած երեք հանդիպումներում Ագուերոն գոլի հեղինակ չի դարձել:
Հիշեցնենք, որ Արգենտինայի հավաքականի կիսապաշտպան Անխել Դի Մարիան Բելգիայի դեմ խաղում ստացավ վնասվածք եւ բաց կթողնի կիսաեզրափակիչը:
Հոլանդիա - Արգենտինա հանդիպումը տեղի կունենա հուլիսի 9-ին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.