Կատալոնական «Բարսելոնայի» արգենտինացի հարձակվող Լիոնել Մեսին աջակցել է Բրազիլիայի հավաքականի ֆուտբոլիստ Նեյմարին, ով աշխարհի առաջնության քառորդ եզրափակիչում կոլումբացի պաշտպան Խուան Սունիգայի հետ բախման ժամանակ կոտրել է գոտկատեղի ողը։
«Նեյմար, հույս ունեմ, որ կապաքինվես առաջիկայում, ընկերս»,- գրել է «Ոսկե գնդակի» քառակի դափնեկիրը ֆեյսբուքյան իր էջում։
Իր թիմակցին աջակցել է նաեւ Սանկտ Պետերբուրգի «Զենիթի» բրազիլացի հարձակվող Հալկը՝ Instagram-ի իր էջում թողնելով հետեւյալ գրառումը. «Թող Աստված օրհնի քեզ, եղբայրս։ Կշարունակենք աշխատել։ Ամբողջ Բրազիլիան քեզ հետ է»։
Հիշեցնենք, որ Նեյմարի ապաքինման համար անհրաժեշտ կլինի մոտ 6 շաբաթ։ Նա բաց կթողնի ԱԱ-2014-ի վերջին խաղերը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։