Պաշտոնական. Յուրա Մովսիսյանը կհետազոտվի Հռոմում
00:26 28 հունիսի, 2014Ֆուտբոլի Հայաստանի հավաքականի եւ Մոսկվայի «Սպարտակի» հարձակվող Յուրա Մովսիսյանը կմեկնի Հռոմ եւ աջ ծնկահոդի արտրոսկոպիա կանցնի պրոֆեսոր Մարիանիի հիվանդանոցում, հաղորդում է ռուսական ակումբի պաշտոնական կայքը: Գերմանիայում «Սպարտակի» մարզումային հավաքին միացած Յուրա Մովսիսյանն աջ ծնկահոդում ցավեր է ունեցել եւ հունիսի 30-ին Իտալիայի մայրաքաղաքում կայանալիք հետազոտումից հետո կլինի ստույգ ախտորոշում եւ վերականգնման ժամկետներ: Այդ մասին նշել է «Սպարտակի» բժշկական դեպարտամենտի ղեկավար Միխայիլ Վարդապետովը:
Յուրա Մովսիսյանը ծնկահոդի ցավեր զգացել է հունիսի 6-ին Մայնցում կայացած Գերմանիայի դեմ ընկերական խաղում, որն ավարտվել է գերմանացիների հաղթանակով՝ 6:1:
Ավելի վաղ, ռուսական մամուլում նշվել էր, որ Յուրա Մովսիսյանը կվիրահատվի եւ խաղադաշտ կվերադառնա միայն 2015 թվականին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.