ԱԱ-2014. Հայաստանում ԱՄՆ-ի դեսպանը վիսկի է տանուլ տվել Գերմանիայի դեսպանին (ֆոտո)

16:27   27 հունիսի, 2014

Հայաստանում ԱՄՆ-ի արտակարգ եւ լիազոր դեսպան Ջոն Հեֆերնը վիսկի է տանուլ տվել Գերմանիայի դեսպան Ռայներ Մորելին։

Դեսպանները գրազ էին եկել Բրազիլիայում ընթացող ֆուտբոլի աշխարհի առաջնության խմբային փուլի վերջին տուրի՝ ԱՄՆ - Գերմանիա խաղի արդյունքի վերաբերյալ։

Յոահիմ Լյովի թիմը հաղթել է նվազագույն հաշվով, եւ Ջոն Հեֆերնը գործընկերոջը հանձնել է վիսկին եւ համատեղ լուսանկարը տեղադրել թվիթերյան իր էջում։

«Հանձնեցի ԱԱ-2014-ի վերջին խաղի վերաբերյալ գրազի վճարը դեսպան Ռայներին։ Կրկին կհանդիպենք եզրափակիչում»,- գրել է ամերիկացի դիվանագետը։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։