ԱԱ-2014. Ֆրանսիան ու Շվեյցարիան փլեյ-օֆֆում են. Շաքիրիի հեթ-տրիկը

01:52   26 հունիսի, 2014

Բրազիլիայում անցկացվող ֆուտբոլի աշխարհի առաջնության E խմբից փլեյ-օֆֆի ուղեգիր նվաճեցին Ֆրանսիայի եւ Շվեյցարիայի հավաքականները: Դիդյե Դեշամի թիմը գրավեց առաջին տեղը, իսկ շվեյցարացիները՝ երկրորդ:

Խմբային փուլի վերջին՝ երրորդ տուրում ֆրանսիացիները 0:0 հաշվով ավարտեցին Էկվադորի հետ խաղը, իսկ Շվեյցարիայի թիմը Մյունխենի «Բավարիայի» կիսապաշտպան Ջորդան Շաքիրիի հեթ-տրիկի շնորհիվ 3:0 հաշվով վստահ հաղթանակ տարավ Հոնդուրասի նկատմամբ: 

Էկվադոր – Ֆրանսիա խաղում 2 թիմերն էլ ունեցան իրական գոլային պահեր, սակայն ավելի հաճախ գրոհում էին եվրոպացիները: 50-րդ րոպեին կարմիր քարտ ստացավ անգլիական «Մանչեսթեր Յունայթեդի» էկվադորցի կիսապաշտպան Անտոնիո Վալենսիան, բայց ընդմիջումից հետո հարավամերիկացիները շատ ավելի վտանգավոր էին գործում մրցակցի դարպասի մոտ, իսկ վերջնամասում կարող էին նաեւ հաղթանակ կորզել: Վերջնամասում էկվադորցիները մեծ ճնշում էին գործադրում Հուգո Լյորիսի պաշտպանած դարպասի մոտ, բայց գոլ խփել չհաջողվեց:

Ֆրանսիան 7 միավորով խմբում զբաղեցրեց առաջին տեղը եւ 1/8 եզրափակիչում կխաղա F խմբում երկրորդ տեղը գրաված նիգերիացիների հետ: 6 միավոր հավաքած շվեյցարացիներին փլեյ-օֆֆում բաժին հասավ F խմբում 100 տոկոսանոց ցուցանիշով հաղթած Արգենտինայի հավաքականը: Էկվադորը մրցաշարը լքեց 4 միավորով, իսկ Հոնդուրասը՝ 3 պարտությամբ:

ԱԱ-2014, E խումբ, երրորդ տուր

ԷկվադորՖրանսիա՝ 0:0 

Հեռացում՝ Անտոնիո Վալենսիա, 50 (Էկվադոր)

ՀոնդուրասՇվեյցարիա՝ 0:3

Ջորդան Շաքիրի, 6, 31, 71



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։