Լեւոն Արոնյան. Օլիմպիադայում ակնկալում ենք միայն հաղթանակ
19:27 23 հունիսի, 2014Առաջիկա տասը օրերին պետք է հանգստանամ, որպեսզի պատրաստվեմ Օլիմպիադային, ասել է շախմատի Հայաստանի հավաքականի առաջատար Լեւոն Արոնյանը Երեւանի Գաֆեսճյան կենտրոնի Խանջյան սրահում կայացած մամուլի ասուլիսում: Լեւոն Արոնյանը հյուրընկալել է ՖԻԴԵ-ի դասակարգման առաջատար, շախմատի աշխարհի չեմպիոն, նորվեգացի Մագնուս Կարլսենին: Հունիսի 23-ի առավոտյան շախմատիստները ուղղաթիռով մեկնել էին Տաթեւի վանք:
«Ես էքսպրոմտով եմ ընդունվել գիդի աշխատանքի: Մագնուսին դուր եկավ այստեղ՝ թե խոհանոցը, թե պատմական վայրերը: Շատ ուրախ եմ, որ Կարլսենն այցելեց մեր երկիր: Ուրախ եմ, որ նա իր աչքերով կարողացավ տեսնել, թե ինչու է մեր երկիրն այսպես լավ խաղում շախմատ:
Օլիմպիադայում սպասում ենք միայն հաղթանակ: Հաճելի է, որ լինելու ենք Նորվեգիայում: Այնտեղ շատ սարեր կան, եւ դա շատ բնորոշ է մեր երկրին»,- ասաց Լեւոն Արոնյանը:
Համաշխարհային օլիմպիադան տեղի կունենա օգոստոսին Նորվեգիայում:
Մագնուս Կարլսենը հունիսի 22-ին գործարար Ռուբեն Վարդանյանի, Acronis ընկերության եւ IdeA հիմնադրամի հրավերով ժամանել է Հայաստան: Շախմատի աշխարհի չեմպիոնին Հայաստանում հյուրընկալել է Հայաստանի հավաքականի առաջատար Լեւոն Արոնյանը:
Վերա Մարտիրոսյան
Ֆոտո՝ Շուշանիկ Հակոբյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.