Հայ պատգամավորը հաղթել է Հայաստան ժամանած Մագնուս Կարլսենին (ֆոտոշարք)

22:49   22 հունիսի, 2014

ՖԻԴԵ-ի դասակարգման առաջին համար Մագնուս Կարլսենը հունիսի 22-ին գործարար Ռուբեն Վարդանյանի, Acronis ընկերության եւ IdeA հիմնադրամի հրավերով ժամանել է Հայաստան: Շախմատի աշխարհի չեմպիոնին Հայաստանում հյուրընկալել է Հայաստանի հավաքականի առաջատար Լեւոն Արոնյանը:

Առաջին օրը Կարլսենն այցելեց Տիգրան Պետրոսյանի անվան շախմատի տուն, իսկ հետո Գաֆեսճյան կենտրոնում կայծակնային շախմատի սեանս անցկացրեց IT տեխնոլոգիաների ներկայացուցիչների եւ պատգամավորների հետ: Միակ պարտությունը նորվեգացի գրոսմայստերը կրեց պատգամավոր Տաճատ Վարդապետյանից: Սեանսից առաջ ցուցադրվեց Կարլսենի մասին ֆիլմ:

Հունիսի 23-ին Մագնուս Կարլսենն ու Լեւոն Արոնյանը կմեկնեն Տաթեւի վանք, որտեղ 20 տախտակների վրա սեանս կանցկացնեն վանականների հետ: Լավագույն մասնակիցները կստանան մրցանակներ:

Կարլսենի հետ Հայաստան են ժամանել նաեւ IT ոլորտի հայտնի մասնագետներ, այդ թվում՝ Acronis ընկերության հիմնադիր Սերգեյ Բելոուսովը եւ Almaz capital partners ընկերության ղեկավար Ալեքսանդր Գալիցկին:

Վերա Մարտիրոսյան, Շուշանիկ Հակոբյան

 

 



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։