Մարադոնա. Անգլիայի ֆիասկոյի մեղավորներն են Ջերարդն ու Ռունին
14:17 21 հունիսի, 2014Ուրուգվայի դեմ խաղում Սթիվեն Ջերարդը կարող էր ավելի լավ խաղալ եւ այդքան ազատություն չտալ Լուիս Սուարեսին, ասել է արգենտինական ֆուտբոլի լեգենդ Դիեգո Մարադոնան՝ մեկնաբանելով աշխարհի առաջնությունում Անգլիայի հավաքականի խաղը եւ խմբային փուլի արգելքը չհաղթահարելը:
«Ջերարդն ու Անգլիայի պաշտպանները պետք է ընդունեն մեղքը Ուրուգվայից բաց թողած երկու գոլերի համար: Ջերարդը կարող էր ավելի լավ խաղալ: Անգլիան թանկ վճարեց Սուարեսին այդքան ազատություն տալու համար: Այս թիմի պատմությունը դարձյալ կենտրոնանում է անցյալի քննարկման վրա՝ ինչ կլիներ, եթե այսպես կամ այնպես չլիներ: Բացի այդ, Ռունին չկարողացավ իրացնել մի քանի գոլային պահեր, իսկ Սուարեսը երկու գնդակ խփեց: Ուրուգվայը հաղթեց, քանի որ ավելի խնամքով վերաբերվեց իր հնարավորություններին»,- Մարադոնայի խոսքը մեջբերում է Goal.com-ը:
Հիշեցնենք, որ Անգլիայի հավաքականը Իտալիային եւ Ուրուգվային նույն՝ 1:2 հաշվով պարտվելուց եւ կոստառիկացիների երկու սենսացիոն հաղթանակներից հետո զրկվեց 1/8 եզրափակիչի ուղեգրի համար խայքարելու հնարավորությունից:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.