Հայ սուսերամարտիկները մեկնում են Եվրոպայի առաջնության
20:19 20 հունիսի, 2014Հունիսի 24-28-ը Վրաստանի մայրաքաղաք Թբիլիսիում Հայաստանի սուսերամարտիկները կմասնակցեն Եվրոպայի մինչեւ 23 տարեկանների առաջնությանը: Այս օրերին հավաքականը անցկացնում է վերջին մարզումները, որից հետո կմեկնի Թբիլիսի:
Հավաքականի կազմում առաջնությանը կմասնակցեն 2014 թ. խոցասուսերի Հայաստանի գավաթակիր, Արաբկիրի «Ալբերտ Գրիգորյանի» անվան մարզադպրոցը ներկայացնող Արամայիս Գաբոյանը, Նորագավիթի սուսերամարտի մանկապատանեկան մարզադպրոցը ներկայացնող, խոցասուսերակիր, 2014 թ. Լատվիայի Կաունաս քաղաքի միջազգային մրցաշարի հաղթող Էդուարդ Հովիկյանը, ճկասուսերակիր, Երեւանի հրաձգության մանկապատանեկան մարզադպրոցը ներկայացնող, միջազգային մրցաշարերի հաղթող եւ րցանակակիր Մայքլ Հովհաննիսյանը եւ սուսերամարտի «Քեթրին» ակումբը ներկայացնող 2014թ. Հայաստանի առաջնության հաղթող Էմմա Պողոսովան: Եվրոպական կոնֆեդերացիայի հրավերով Եվրոպայի մինչեւ 23 տարեկանների առաջնությունը կսպասարկի միջազգային կարգի մրցավար Արտաշես Մադոյանը, հաղորդում են Հայաստանի սուսերամարտի ֆեդերացիայից:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.