Միայն Չիլիի նկատմամբ հաղթանակը կվերադարձնի աշխարհի չեմպիոնների հանդեպ հարգանքը, ասել է Մադրիդի «Ռեալի» եւ Իսպանիայի հավաքականի լեգենդար հարձակվող Ռաուլը։ Նա հայտարարել է, որ Հոլանդիայից կրած խոշոր պարտությունից հետո իսպանացիները պետք է ամեն գնով հաղթեն չիլիացիներին։
«Հոլանդիայից կրած պարտությունը կասկածի տակ դրեց մեր հնարավորությունները։ Այժմ պետք է հաղթել Չիլիին՝ խփելով որքան հնարավոր է շատ գոլ։ Հարկավոր է ոչնչացնել մրցակցին։
Պաշտպանները պետք է ուշադիր լինեն, հատկապես՝ մրցակցի հակագրոհների ժամանակ։ Արյեն Ռոբենը ցույց տվեց, թե ինչ կարող է լինել»,- Ռաուլի խոսքը մեջբերում է Goal.com-ը։
Հիշեցնենք, որ Իսպանիա - Չիլի հանդիպումը կմեկնարկի Երեւանի ժամանակով 23։00-ին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։