Կառլեն Մկրտչյան. Դեռ չգիտեմ, թե որտեղ կշարունակեմ կարիերաս
14:50 18 հունիսի, 2014Մախաչկալայի «Անժիի» եւ Հայաստանի հավաքականի կիսապաշտպան Կառլեն Մկրտչյանը NEWS.am Sport-ի թղթակցի հետ զրույցում խոսել է վիրահատության, վերականգնողական փուլի, ինչպես նաեւ կարիերան շարունակելու տարբերակների մասին։
«Վիրահատությունս լավ է անցել: Այժմ գտնվում եմ վերականգնողական փուլում: Ինձ մոտ ամեն ինչ նորմալ է, բայց դեռ չեմ մարզվում: Չգիտեմ, երբ կսկսեմ մարզումներս:
Ինչ վերաբերում է ապագայիս, ապա դեռ չգիտեմ, թե որտեղ կշարունակեմ կարիերաս՝ կմնամ «Անժիում», թե կտեղափոխվեմ այլ ակումբ: Չգիտեմ, թե երբ կկարողանամ այդ հարցին պատասխանել: Ինքս սպասողական վիճակում եմ»,- ասել է 26-ամյա ֆուտբոլիստը։
Հիշեցնենք, որ Կառլեն Մկրտչյանը Շվեյցարիայի Ժնեւ քաղաքում ենթարկվել էր կույր աղիքի վիրահատության, ինչի պատճառով չէր մասնակցել հունիսի 6-ին Մայնցում կայացած Գերմանիայի դեմ ընկերական խաղին։
Վերա Մարտիրոսյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.