Միխայել Շումախերը Լոզանի համալսարանական հիվանդանոցում է
18:19 16 հունիսի, 2014Ֆորմուլա-1-ի յոթակի չեմպիոն, լեգենդար ավտոարշավորդ Միխայել Շումախերը արհեստական կոմայից դուրս գալուց հետո Ֆրանսիայի Գրենոբլ քաղաքի հիվանդանոցից տեղափոխվել է Շվեյցարիայի Լոզան քաղաքի համալսարանական հիվանդանոց: Շումախերին հատկացվել է առանձին հարկաբաժին, որպեսզի լավագույն կերպով պաշտպանվի նրա անձնական տարածությունը: Այդ մասին շվեյցարական SDA լրատվական գործակալությանը հայտնել է հիվանդանոցի մամուլի քարտուղարը:
«Լրագրողներին խնդրում ենք հարգել Շումախերի անձնական կյանքը: Նրան հատկացվել է առանձին հարկաբաժին, որպեսզի ոչ ոք եւ ոչինչ չխանգարի նրա ապաքինմանը»,- ասել է հիվանդանոցի ներկայացուցիչը:
2013թ. դեկտեմբերի 29-ին Ալպերում լեռնադահուկով սահելիս ընկնելու հետեւանքով գանգուղեղային լուրջ վնասվածք ստանալուց հետո Միխայել Շումախերը կոմայի մեջ էր մինչեւ հունիսի 16-ը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։