Հռոմի պապ Ֆրանցիսկոսն աշխարհի առաջնության ժամանակ չի երկրպագի Արգենտինայի հավաքականին եւ չեզոք կլինի: Այդ մասին արգենտինացի Հռոմի պապին խնդրել են կաթոլիկ բրազիլացիները, հաղորդում է AP-ն:
«Բրազիլացիները խնդրել են ինձ չեզոք լինել, եւ ես խոսքիս տերը կլինեմ, քանի որ Բրազիլիայի եւ Արգենտինայի հավաքականները միշտ եղել են լուրջ մրցակիցներ»,- ասել է Հռոմի պապը:
77-ամյա Ֆրանցիսկոսը մինչեւ հիմա արգենտինական «Սան Լորենցո» ֆուտբոլային ակումբի անդամ է:
Արգենտինայի հավաքականն աշխարհի առաջնությունում մեկնարկում է հունիսի 15-ին: Առաջին մրցակիցը կլինի Բոսնիա - Հերցեգովինան: Հունիսի 21-ին Արգենտինան կխաղա Իրանի, հունիսի 25-ին՝ Նիգերիայի հետ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։