Մյուլերը եւ Լամը երկարաձգեցին պայմանագրերը «Բավարիայի» հետ

Մյունխենի «Բավարիայի» եւ Գերմանիայի հավաքականի ֆուտբոլիստներ Թոմաս Մյուլերը եւ Ֆիլիպ Լամը երկարաձգեցին պայմանագրերը մյունխենյան ակումբի հետ, հաղորդում է Bild-ը։

Գերմանական ակումբի ավագի նախորդ պայմանագիրը նախատեսված էր մինչեւ 2016 թվականը։ Նոր պայմանագրի համաձայն՝ Լամը թիմում կմնա մինչեւ 2018-ը։ Մյուլերի նոր պայմանագիրը կավարտվի 2019-ին։

Հիշեցնենք, որ ավարտված մրցաշրջանում «Բավարիան» դարձել է Գերմանիայի չեմպիոն եւ գավաթակիր։ Բունդեսլիգայի 2013-2014 առաջնությունում 30-ամյա Լամը մասնակցել է 28 հանդիպման, խփել մեկ գոլ եւ կատարել երեք գոլային փոխանցում։ 24-ամյա Մյուլերն անցկացրած 31 խաղում դարձել է 13 գոլի եւ 10 գոլային փոխանցման հեղինակ։