Բոսնիացի մարզիչները Բրազիլիայում ենթարկվել են կողոպտիչների հարձակման
09:30 10 հունիսի, 2014Տհաճ միջադեպ է տեղի ունեցել ֆուտբոլի Բոսնիա եւ Հերցեգովինայի հավաքականի մարզչական շտաբի հետ, հաղորդում է Mirror-ը։
Հավաքականի գլխավոր մարզիչ Սաֆետ Սուշիչը եւ նրա օգնականները դուրս են եկել հյուրանոցից եւ ենթարկվել կողոպտիչների հարձակման։ Բոսնիացիները չեն զգուշացրել հյուրանոցի անվտանգության աշխատակիցներին հեռանալու մասին, ինչից հետո նրանց վրա հարձակվել են երեք հեծանվորդներ։
Պատահաբար հայտնված ոստիկանության մեքենան վախեցրել է կողոպտիչներին, ովքեր շտապ հեռացել են։ Մարզիչները չեն տուժել։ Սուշիչը հումորով է մոտեցել այս պատահարին, հայտարարելով, որ Բոսնիայում քայլելն ավելի վտանգավոր է, քան Բրազիլիայում։
Հիշեցնենք, որ հունիսի 12-ից հուլիսի 13-ը Բրազիլիայում կանցկացվի աշխարհի առաջնությունը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.