«Լիվերպուլը» բանակցել է Յուրա Մովսիսյանի տրանսֆերի համար
23:16 5 հունիսի, 2014Անգլիայի փոխչեմպիոն «Լիվերպուլը» կփորձի գնել Մոսկվայի «Սպարտակի» եւ Հայաստանի հավաքականի հարձակվող Յուրա Մովսիսյանին:
Անգլիական ակումբն արդեն բանակցել է 26-ամյա ֆուտբոլիստի տրանսֆերի հարցով, գրում է caughtoffside-ը: «Լիվերպուլի» գլխավոր մարզիչ Բրենդան Ռոջերսն անցած ամռանը Հենրիխ Մխիթարյանի տրանսֆերը ձախողելուց հետո, ակումբի սկաուտներին հանձնարարել է հետեւել նաեւ Յուրա Մովսիսյանի խաղին: Սպասվում է, որ «Լիվերպուլի» ներկայացուցիչները Մայնցում կդիտեն հունիսի 6-ին կայանալիք Գերմանիայի հետ Հայաստանի հավաքականի ընկերական հանդիպումը:
Ավելի վաղ նշվում էր, որ Յուրա Մովսիսյանին գնելու ցանկություն ունեն նաեւ «Տոտենհեմը», «Էվերտոնը» եւ «Վեստ Հեմը», նաեւ գերմանական ակումբներ: Յուրա Մովսիսյանի գործակալ Վալերի Հովհաննիսյանը հայտնել է, որ ամեն ինչ պարզ կլինի, երբ նշանակվի «Սպարտակի» նոր գլխավոր մարզիչը: Հիմնական թեկնածուն արմատներով թուրք, շվեյցարացի մասնագետ Մուրատ Յակինն է, որը նախորդ երկու տարիներին «Բազելի» հետ դարձել է Շվեյցարիայի կրկնակի չեմպիոն:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.