Յոահիմ Լյով. Հայաստանի թիմի հակագրոհների ոճը հիշեցնում է Պորտուգալիային
18:12 5 հունիսի, 2014Աշխարհի առաջնությունից առաջ ստուգողական հանդիպման համար Հայաստանի հավաքականին ընտրել ենք գիտակցաբար, ասել է ֆուտբոլի Գերմանիայի հավաքականի գլխավոր մարզիչ Յոահիմ Լյովը, փոխանցում է Goal.com-ը:
«Հայաստանի հավաքականի հակագրոհների ոճը հիշեցնում է Պորտուգալիայի հավաքականին: Այդ պատճառով ենք ընտրել Հայաստանին: Այս խաղում դարպասը կպաշտպանի Ռոման Վայդենֆելերը: Սակայն Մանուել Նոյերը պատրաստ կլինի Պորտուգալիայի դեմ առաջին խաղին: Ֆիլիպ Լամն ու Բաստիան Շվայնշատյգերը մարզվել են անհատական ծրագրով եւ Հայաստանի դեմ նրանց կտրվի որոշակի խաղային ժամանակ»,- ասել է Գերմանիայի հավաքականի գլխավոր մարզիչը:
Գերմանիա - Հայաստան ընկերական հանդիպումը հունիսի 6-ին է: Մայնցում կայանալիք հանդիպումը կմեկնարկի Երեւանի ժամանակով 22:45-ին:
Աշխարհի առաջնության խմբային փուլում Գերմանիայի մրցակիցներն են Պորտուգալիան, ԱՄՆ-ն եւ Գանան:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։