13-ամյա Սամուել Սեւյանը երկրորդ անգամ լրացրեց գրոսմայստերի նորմա
17:32 4 հունիսի, 2014Ամերիկահայ պատանի շախմատիստ Սամուել Սեւյանն արդեն երկրորդ անգամ լրացրել է գրոսմայստերի նորմա: Ս. Սեւյանը 13 տարեկան է: Այդ հաջողությանը նա հասել է ԱՄՆ-ի Սենթ Լուիս քաղաքում շրջանային կարգով անցկացված շախմատային մրցաշարում՝ դառնալով հաղթող։ Ս. Սեւյանը 9 հնարավորից վաստակել էր 6.5 միավոր:
Մրցաշարին մասնակցում էին գրոսմայստերներ եւ միջազգային վարպետներ ԱՄՆ-ից, Հնդկաստանից, Բելառուսից, Հունգարիայից եւ Կանադայից:
2014թ. հունվարին Սամուել Սեւյանը ԱՄՆ-ի Մաշանտուկետ քաղաքում կայացած խոշոր մրցաշարում առաջին անգամ էր լրացրել գրոսմայստերի նորմա: Սամուելը 9 հնարավորից վաստակել էր 6,5 միավոր եւ 41 մասնակիցների մեջ միանձնյա զբաղեցրել երկրորդ տեղը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։