Էդուարդ Հովիկյանը՝ Կաունասի մրցաշարի հաղթող

17:09   3 հունիսի, 2014

Լիտվայի Կաունաս քաղաքում կայացած սուսերամարտի միջազգային մրցաշարում Հայաստանը ներկայացնում էր երկրի պատանեկան հավաքական թիմի անդամ, «Հայաստան» մարզական միության Նորագավիթի սուսերամարտի մանկապատանեկան մարզադպրոցի սան Էդուարդ Հովիկյանը, որը ոչ միայն Հայաստանի առաջնությունների հաղթող եւ մրցանակակիր է, այլեւ միջազգային մրցաշարերի մրցանակակիր եւ հաղթող (մայիսի 11-ին Թբիլիսիում կայացած միջազգային մրցաշարի հաղթող): Նա պատանիների մրցաշարում գրավեց 1-ին տեղը, իսկ երիտասարդների մրցաշարում ՝ 3-րդ տեղը:

Սուսերամարտի Հայաստանի հավաքական թիմի գլխավոր մարզիչ Անդրանիկ Արազյանը նաեւ Էդուարդ Հովիկյանի անձնական մարզիչն է, հայտնում է Սպորտի նախարարության մամուլի ծառայությունը:

Կաունասի մրցաշարին մասնակցում էին 44 պատանի սուսերամարտիկներ՝ Բելառուսից, Լիտվայից, Լատվիայից, Ֆրանսիայից, Անգլիայից, Ռուսաստանից, Իտալիայից, Գերմանիայից, ԱՄՆ-ից եւ ԱՄԷ-ից:



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։