Սամվել Սեւյանը՝ Սենթ Լուիսի մրցաշարի հաղթող
15:44 3 հունիսի, 2014Միջազգային վարպետ Սամվել Սեւյանը դարձել է ԱՄՆ-ի Սենթ Լուիս քաղաքում շրջանային կարգով անցկացված շախմատային մրցաշարի հաղթող։ Նա 9 հնարավորից վաստակել է 6.5 միավոր՝ նվաճելով առաջին տեղը։ Մրցաշարին մասնակցում էին գրոսմայստերներ եւ միջազգային վարպետներ ԱՄՆ-ից, Հնդկաստանից, Բելառուսից, Հունգարիայից եւ Կանադայից:
Հովհաննես Գաբուզյանը Բուլղարիայի Ալբենա քաղաքում անցկացվող մրցաշարում երկու տուրից հետո վաստակել է 2 միավոր եւ մի խումբ այլ մասնակիցների հետ գլխավորում է աղյուսակը: Տիգրան Լ. Պետրոսյանը, Վլադիմիր Հակոբյանը, Տիգրան Ս. Պետրոսյանը ունեն 1,5-ական միավոր, Վլադիմիր Պողոսյանը` 1 միավոր: Մրցաշարը կավարտվի հունիսի 9-ին։
Ռուսաստանը ներկայացնող միջազգային վարպետ Նիկիտա Մատինյանը Կազանում անցկացվող Նեժմետդինովի հուշամրցաշարում երեք տուրից հետո վաստակել է 2,5 միավոր: Գրոսմայստեր Զավեն Անդրիասյանն ունի 2 միավոր: Մրցաշարը կավարտվի հունիսի 8-ին, փոխանցում է Armchess-ը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.