ԱԱ-2014. Անգլիացիները շոգի դեմ միջոց են գտել
13:33 22 մայիսի, 2014Բրազիլիայում կայանալիք ֆուտբոլի աշխարհի 2014թ. առաջնությանը նախապատրաստվող Անգլիայի հավաքականն անցկացրել է ոչ սովորական մարզում: Ռոյ Հոջսոնի թիմի ֆուտբոլիստները մարզվել են ջերմաշապիկներով, որպեսզի հարմարվեն շոգ եղանակին խաղալուն, գրում է The Mirror-ը:
Հոջսոնի խոսքով՝ դա ֆուտբոլիստներին պետք է օգնի հարմարվել Բրազիլիայի շոգ եղանակին: Բացի այդ, մարզմանը ներկա է եղել բրիտանական համալսարաններից մեկի գիտական խումբը, որը հետազոտել է խաղացողների ռեակցիան ջերմաշապիկներով ծանրաբեռնված մարզման պայմաններում:
Ռոյ Հոջսոնը նմանատիպ մարզումներ անցկացրել է նաեւ Շվեյցարիայի հավաքականում, որին նախապատրաստում էր աշխարհի 1994թ. առաջնությանը: ԱԱ-2014-ի D խմբում անգլիացիները մրցելու են Ուրուգվայի, Իտալիայի ու Կոստա Ռիկայի հավաքականների հետ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.