ՀԱՕԿ-ը ստացել է պաշտոնական հաստատագիրը
22:36 11 մայիսի, 2012Մայիսի 11-ին Հայաստանի ազգային օլիմպիական կոմիտեն պաշտոնական գրություն է ստացել ձյուդոյի միջազգային ֆեդերացիայից: Այն հաստատագիր է, ըստ որի, Հայաստանի ներկայացուցիչներ, գյումրեցի Հովհաննես Դավթյանը (60 կգ) եւ հրազդանցի Արմեն Նազարյանը (66 կգ) միջազգային պաշտոնական մրցումներում վաստակել են անհրաժեշտ քանակի միավորներ եւ նվաճել են Լոնդոնի օլիմպիական խաղերում ձյուդոյի մրցաշարին մասնակցելու իրավունք, հաղորդում է ՀԱՕԿ-ի մամուլի քարտուղարությունը։
Անկախացումից հետո Հայաստանի ձյուդոիստներից Օլիմպիական խաղերին մասնակցել են Արսեն Գեւորգյանը (1996թ., Ատլանտա), Վարդան Ոսկանյանը (2000թ., Սիդնեյ), Արմեն Նազարյանը (2004 թ., Աթենք), Արմեն Նազարյանը եւ Հովհաննես Դավթյանը (երկուսն էլ՝ 2008թ., Պեկին): Ոչ մեկին չի հաջողվել դառնալ օլիմպիական մեդալակիր:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.