«Ռեալը» եւ «Աթլետիկոն» առաջին անգամ կխաղարկեն Իսպանիայի Սուպերգավաթը

10:25   20 մայիսի, 2014

Մադրիդի «Ռեալը» եւ «Աթլետիկոն» օգոստոսին կանցկացնեն Իսպանիայի Սուպերգավաթի երկու հանդիպում, փոխանցում է AS-ը։

Առաջին հանդիպումը կկայանա «Սանտյագո Բերնաբեուում», իսկ պատասխան խաղը՝ «Վիսենտե Կալդերոնում»։ Մադրիդյան ակումբներն առաջին անգամ կխաղարկեն Իսպանիայի Սուպերգավաթը։ «Աթլետիկոն» այդ տիտղոսը նվաճել է ընդամենը մեկ անգամ, իսկ Արքայական ակումբը՝ 9։ 

Հիշեցնենք, որ ավարտված մրցաշրջանում «Ռեալը» հաղթել է Իսպանիայի գավաթի խաղարկությունում, իսկ Դիեգո Սիմեոնեի թիմը՝ Պրիմերայում։ Բացի այդ, թիմերը կհանդիպեն նաեւ Չեմպիոնների լիգայի եզրափակիչում, որը կկայանա մայիսի 24-ին Լիսաբոնի «Լա Լուշ» ստադիոնում։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։