Երեխային շնից փրկած կատվին հրավիրել են բեյսբոլի հանդիպման

12:27   19 մայիսի, 2014

ԱՄՆ-ում կատվին, որը մի քանի օր առաջ փրկել էր չորս տարեկան երեխային շան հարձակումից, հրավիրել են բեյսբոլի հանդիպման, փոխանցում է Associated Press-ը։

Տարա անունով կատուն պաշտոնական հրավեր է ստացել «Բեյքերսֆիլդ Բլեյզ» ակումբից։ Ակումբի ղեկավարության խոսքով՝ կատուն պետք է կատարի գնդակի խորհրդանշական խաղարկումը։ Ինչպես կատուն կանի դա, պարզ չէ։ 

Սպասվում է, որ կենդանին կլինի մայիսի 20-ին կայանալիք խաղի պաշտոնական հյուրը։  

Հիշեցնենք, որ Տարան հայտնի է դարձել տիրոջ որդուն պաշտպանելուց հետո։ Կատուն հարձակվել էր շան վրա, որը կծել էր երեխային։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։