Ռումենիգե. Հետաքրքրված չենք «Բորուսիային» վնասելու մեջ
21:57 16 մայիսի, 2014Մյունխենի «Բավարիայի» տնօրենների խորհրդի ղեկավար Կարլ-Հայնց Ռումենիգեն հայտարարել է, որ մյունխենցիները մտադիր են լավ հարաբերություններ պահպանել Դորտմունդի «Բորուսիայի» հետ։
«Հետաքրքրված չենք «Բորուսիային» վնասելու մեջ եւ ակումբում գիտեն այդ մասին։ Եթե ես երբեւիցե կտրուկ հայտարարություններ եմ թույլ տվել դորտմունդցիների հասցեին, ապա դա եղել է միայն այն ժամանակ, երբ մեզ ներկայացրել են Գողիաթի կերպարով, որն ավազակի նման շրջում է Բունդեսլիգայում։
Իհարկե, ցանկանում ենք հաղթել Գերմանիայի Գավաթի եզրափակիչում։ Դրա համար կանենք ամեն ինչ, սակայն պարտությունը նույնպես չի նշանակի, որ տապալվել ենք»,- Ռումենիգեի խոսքը մեջբերում է FAZ-ը։
Հիշեցնենք, որ «Բորուսիա» - «Բավարիա» հանդիպումը կկայանա մայիսի 17-ին Բեռլինում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։