«НТВ Плюс» հեռուստաընկերության մեկնաբան Կոնստանտին Գենիչը Eurosport.ru-ին տված հարցազրույցում խոսել է Մոսկվայի «Սպարտակի» եւ Հայաստանի հավաքականի հարձակվող Յուրա Մովսիսյանի՝ պաշտպան Դմիտրի Կոմբարովի հետ տեղի ունեցած միջադեպի մասին Ռուսաստանի առաջնության 29-րդ տուրի՝ Պերմի «Ամկարի» հետ խաղում։
Վերջին ամիսների ամենաշատ քննարկվող թեմաներից են ռուսների եւ լեգիոնականների միջեւ տարաձայնությունները «Սպարտակում», որի հետ հաճախակի եք մեկնում արտագնա հանդիպումների: Մովսիսյանի գոլից հետո նրա եւ Կոմբարովի միջեւ տեղի ունեցածը վիճաբանության շարունակությո՞ւնն է:
Անուշադիր եք դիտել: Իսկապես հիանալի գիտեմ «Սպարտակում» ռուսների եւ լեգիոնականների հարաբերությունների մասին: Եթե ուշադիր դիտենք, կտեսնենք, որ, երբ Մովսիսյանը եւ Կոմբարովը հրեցին միմյանց, նրանք ժպտում էին: Որքան գիտեմ, «Սպարտակում» ռուսների եւ հայերի միջև ոչ մի խնդիր չկա»,- ասել է Գենիչը:
Հիշեցնենք, որ 26-ամյա հարձակվողը դարձել էր «Սպարտակի» հաղթական գոլի հեղինակը։ Գոլի հեղինակ դառնալուց հետո Մովսիսյանը ձեռքով փակել էր Կոմբարովի դեմքը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։