Ռոբերտ Լեւանդովսկին` Բունդեսլիգայի լավագույն ռմբարկու
19:50 10 մայիսի, 2014Ֆուտբոլի Գերմանիայի 2013/2014թթ. առաջնության լավագույն ռմբարկու ճանաչվեց Դորտմունդի «Բորուսիայի» լեհ հարձակվող Ռոբերտ Լեւանդովսկին:
Ավարտված առաջնությունում Լեհաստանի հավաքականի ռմբարկուն դարձավ 20 գոլի հեղինակ: Երկրորդ տեղը զբաղեցրեց Մյունխենի «Բավարիայի» խորվաթ հարձակվող Մարիո Մանջուկիչը, ով խփել է 18 գոլ: Բունդեսլիգայից դուրս մնացած «Նյուրնբերգի» եւ Շվեյցարիայի հավաքականի հարձակվող Յոսիպ Դրմիչը 17 գոլով եզրափակեց լավագույն եռյակը: Մարկո Ռոյսը («Բորուսիա»), Ռոբերտո Ֆիրմինոն («Հոֆենայմ») եւ Դորտմունդի «Բորուսիայի» հետ պայմանագիր կնքած Ադրիան Ռամոսը («Հերտա») դարձել են 16-ական գոլի հեղինակ:
Հայաստանի հավաքականի եւ Դորտմունդի «Բորուսիայի» կիսապաշտպան Հենրիխ Մխիթարյանն առաջնությունն ավարտեց 9 գոլով եւ 9 գոլային փոխանցումով:
Հիշեցնենք, որ Գերմանիայի նախորդ առաջնությունում լավագույն ռմբարկուի կոչմանը 25 գոլով արժանացել էր Լեւերկուզենի «Բայերի» հարձակվող Շտեֆան Կիսլինգը, իսկ Լեւանդովսկին խփել էր 24 գոլ: Հաջորդ մրցաշրջանում լեհ հարձակվողը խաղալու է Մյունխենի «Բավարիայում»:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.