Սարգիս Հովսեփյանը՝ Հայաստանի մինչեւ 19 տարեկանների հավաքականի գլխավոր մարզիչ

16:10   6 մայիսի, 2014

Երեւանի «Փյունիկի» գլխավոր մարզիչ Սարգիս Հովսեփյանը նշանակվել է Հայաստանի մինչեւ 19 տարեկանների հավաքականի գլխավոր մարզիչ, փոխանցում է ՀՖՖ կայքը։

41-ամյա մասնագետը Հայաստանի Մ-19 հավաքականին կնախապատրաստի Եվրոպայի 2014-2015թ. առաջնության որակավորման փուլին, որտեղ Հայաստանը չորրորդ խմբում կմրցի Սլովակիայի, Հունգարիայի ու Ադրբեջանի թիմերի հետ:

Հիշեցնենք, որ Հայաստանի մինչեւ 19 տարեկանների հավաքականը մայիսի 13-ին եւ 15-ին Երեւանում՝ Ավանի ֆուտբոլային ակադեմիայում, ընկերական հանդիպումներ կանցկացնի Լեհաստանի Մ-19 հավաքականի հետ:

 

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։