Արթուր Աբրահամ. Սպորտից հեռանալուց հետո չգիտեմ ինչով կզբաղվեմ, բայց քաղաքականությամբ չեմ զբաղվի

15:13   10 մայիսի, 2012

Երբ սպորտից հեռանամ, չգիտեմ ինչով պետք է զբաղվեմ, կձգտեմ միշտ սպորտի մեջ լինել, ԵՊՀ-ում ուսանողների հետ հանդիպման ժամանակ ասել է պրոֆեսիոնալ բռցնքամարտի աշխարհի նախկին չեմպինո Արթուր Աբրահամը, հաղորդում է NEWS.am Sport-ի թղթակիցը։

«Եթե մեկ օր ազատ եմ լինում, չեմ կարողանում տանը բազմոցին նստել եւ հանգստանալ: Անընդհատ պետք է աշխատեմ: Սպորտի մեջ լինել չի նշանակում պարտադիր մարզչական կարիերա սկսել: Որպես մարզիչ երբեք հանդես չեմ գա:  Դա շատ բարդ մասնագիտություն է: Անտանելի աշխատանք է: Պետք է սիրես այդ գործը: Հոգով սրտով մարզիչ պետք է լինես: Հիմա 32 տարեկան եմ: Չգիտեմ դեռ քանի տարի կլինեմ սպորտում: Գուցե 35 տարեկանում հեռանամ ռինգից: Կարող եմ այսօր էլ հեռանալ, բայց իմ մարզաձեւը շատ եմ սիրում: Ես քաղաքականությամբ չեմ զբաղվի: Ես սպորտի տղա եմ, ազգի տղա եմ: Քաղաքականությամբ թող քաղաքագետները  զբաղվեն: Ես միայն ցանկանում եմ, որ մեր ազգը լավ, բարեկեցիկ ապրի»,- ասել է Աբրահամը:

Բռնքամարտիկն անդրադարձել է նաեւ ֆուտբոլի Հայաստանի հավաքականին։

«Ես ֆուտբոլի մեծ սիրահար եմ: Շատ եմ սիրում ֆուտբոլ խաղալ: Ակտիվ հետեւում եմ Հայաստանի հավաքականի խաղերին: Նույնիսկ ինձ թվում է, չկա այնպիսի մարդ, որ Հայաստանի հավաքականի խաղերին չհետեւի:  Հայաստան-Իտալիա խաղից մեծ ակնկալիք ունեմ: Կարծում եմ Հայաստանը կհաղթի: Մեր խաղերին միշտ հաղթանակի ակնկալիքով եմ հետեւում»,- ասել է Աբրահամը:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։