ԱՄՆ-ում մահացել է ամենատարեց օլիմպիականը

ԱՄՆ-ի Վիրջինիա նահանգում մայիսի 1-ին մահացել է Օլիմպիական խաղերի ամենատարեց մասնակից Ուոլթեր Ուոլշը, փոխանցում է Associated Press-ը։

Նա մայիսի 4-ին կդառնար 107 տարեկան։ 1934 թվականին նա սկսել է աշխատել հետախուզության դաշնային բյուրոյում (FBI)։ Փոխհրաձգության ժամանակ նա սպանել է Ալֆրեդ Բրելիին, ով այդ պահին համարվում էր «պետության համար մեկ թշնամին»։

1948-ին Ուոլշը մասնակցել է ամառային Օլիմպիական խաղերին, սակայն չի կարողացել մեդալ նվաճել հրաձգության մրցումներում։ Այնուամենայնիվ, նրան հաջողվել է դառնալ օլիմպիական ռեկորդակիր. 2013 թվականին նա դարձել է ամենատարեց օլիմպիականը։