Յուրա Մովսիսյանի եւ Արաս Օզբիլիսի խաղի գնահատականը
09:25 21 ապրիլի, 2014Մոսկվայի «Սպարտակը» Ռուսաստանի առաջնության 26-րդ տուրում մրցակցի խաղադաշտում 1։2 հաշվով պարտվեց Կազանի «Ռուբինին»։
Ապրիլի 20-ին կայացած խաղից հետո ռուսական Sport-Express-ը գնահատել է երկու ակումբների ֆուտբոլիստներին, այդ թվում՝ «Սպարտակի» եւ Հայաստանի հավաքականի ֆուբոլիստներ Յուրա Մովսիսյանին ու Արաս Օզբիլիսին։
26-ամյա Մովսիսյանը ստացել է «Սպարտակի» ամենաբարձր՝ 6 գնահատականը, իսկ 24-ամյա Օզբիլիսը՝ 5։
«Մովսիսյանն ամենաակտիվն էր «Սպարտակի» կազմում։ Շքեղ գոլ խփեց, որն անհատական վարպետության արդյունք էր»։
«Օզբիլիսի ուժերը հերիքեց ընդամենը 5 րոպե, որի ընթացքում նա նախանձելի ակտիվություն էր ցուցադրում։ Սակայն այդ 5 րոպեից հետո այդ ակտիվությունը աստիճանաբար հասավ զրոյի»,- գրում է ռուսական կայքը։
Հիշեցնենք, որ Մովսիսյանը «Սպարտակի» մեկնարկային կազմում էր եւ մասնակցեց ամբողջ հանդիպմանը՝ դառնալով գեղեցիկ գոլի հեղինակ, իսկ Օզբիլիսը փոխարինման դուրս եկավ 73-րդ րոպեին
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.