Կլիչկո. Չիսորա – Հեյ մենամարտն այլանդակների շոու կլինի
23:10 8 մայիսի, 2012Բռնցքամարտի գերծանրքաշային կարգի WBA, IBF, WBO եւ IBO վարկածներով աշխարհի չեմպիոն Վլադիմիր Կլիչկոն, մեկնաբանելով հուլիսի 14-ին նախատեսված Դերեկ Չիսորա – Դեւիդ Հեյ մենամարտը, հայտարարել է, որ դա կլինի «այլանդակների շոու»:
Հիշեցնենք, որ այս տարվա փետրվարին կայացած Վիտալի Կլիչկոյի հետ մենամարտից հետո մամուլի ասուլիսի ժամանակ Դերեկ Չիսորան ծեծկռտուք սարքեց բրիտանացի Դեւիդ Հեյի հետ, ինչի համար Մեծ Բրիտանիայի բռնքամարտի խորհուրդը Չիսորային զրկեց արտոնագրից: Սակայն Չիսորան ու Հեյը որոշել են մենամարտ անցկացնել Լյուքսեմբուրգի բռնցքամարտի ֆեդերացիայի հովանու ներքո:
«Դա կլինի այլանդակների շոու՝ այլանդակ կանոններով: Դա լուրջ վիրավորանք է բրիտանական բռնցքամարտի վերահսկիչ խորհրդի համար: Չիսորայի պես բռնցքամարտիկին արտոնագիր տրամադրելը խայտառակություն է պրոֆեսիոնալ սպորտի համար: Ինչպե՞ս կարելի է մենամարտ անցկացնել մամուլի ասուլիսում այդպիսի մեծ սկանդալ բարձրացրած բռնցքամարտիկների համար: Ինչպե՞ս կարող է նման բան տեղի ունենա Մեծ Բրիտանիայի տարածքում»,- Կլիչկոյի խոսքը փոխանցում է BBC-ն:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.