«Ուրալը» Մոսկվայում հաղթեց «Սպարտակին»
22:21 4 ապրիլի, 2014Մոսկվայի «Սպարտակը» շարունակում է անհաջող հանդես գալ թիմի նախկին գլխավոր մարզիչ Վալերի Կարպինի հեռացումից հետո: Ֆուտբոլի Ռուսաստանի առաջնության 24-րդ տուրում «Սպարտակը» սեփական խաղադաշտում նվազագույն հաշվով պարտվեց Եկատերինբուրգի «Ուրալին»:
Հայաստանի հավաքականի ֆուտբոլիստներ Արաս Օզբիլիսն ու Յուրա Մովսիսյանը խաղադաշտ էին դուրս եկել «Սպարտակի» մեկնարկային կազմում, իսկ Էդգար Մանուչարյանն՝ «Ուրալի»:
Խաղի հաշիվը 20-րդ րոպեին բացեց «Ուրալի» ռուս կիսապաշտպան Վլադիմիր Խոզինը, ով աչքի ընկավ Էդգար Մանուչարյանի իրացրած անկյունային հարվածից հետո: Դա մոսկվացիների 700-րդ բաց թողած գոլն էր Ռուսաստանի առաջնությունում: Առաջին խաղակեսում «Սպարտակի» մոտ ոչինչ չէր ստացվում: Ընդմիջումից հետո մոսկովյան ակումբն ակտիվացավ, սակայն այդպես էլ չկարողացավ խուսափել պարտությունից: Յուրա Մովսիսյանը մասնակցեց ամբողջ խաղին՝ կորցնելով իրական գոլային պահ: Մանուչարյանը խաղաց 68 րոպե, իսկ Օզբիլիսը՝ 76:
Վալերի Կարպինի հեռացումից հետո «Սպարտակը» չհաղթեց երրորդ խաղում անընդմեջ: Մոսկովյան ակումբը 41 միավորով 5-րդն է, իսկ «Ուրալը» 24 միավորով հավասարվեց 11-րդ տեղում գտնվող «Կռիլյա Սովետովին»:
Ռուսաստանի առաջնություն, 24-րդ տուր
«Սպարտակ» - «Ուրալ»՝ 0:1
Վլադիմիր Խոզին, 20
«Կուբան» - «Տոմ»՝ 2:0
Իգոր Արմաշ, 65, Իվելին Պոպով, 85
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.