Հայաստանի օլիմպիական ուղեգրերի թիվը դարձավ 21
17:38 7 մայիսի, 2012Ձյուդոյի միջազգային ֆեդերացիան հաստատել է Լոնդոնի Oլիմպիական խաղերի մասնակից ձյուդոիստների ցանկը: Յուրաքանչյուր քաշային կարգում ընդգրկված է վարկանիշային միավոր ձեռք բերած 22 մարզիկ: Հայաստանի ներկայացուցիչներ, գյումրեցի Հովհաննես Դավթյանը (60 կգ) վաստակած միավորներով զբաղեցրել է 10-րդ տեղը, իսկ հրազդանցի Արմեն Նազարյանը (66 կգ) 16-րդ տեղում է:
Յուրաքանչյուր քաշային կարգում մեկական սպիտակ քարտ է հատկացվում Օլիմպիական խաղերի կազմակերպիչ երկրին եւ ինը քարտ` ձյուդոյում նոր զարգացող երկրների ֆեդերացիաներին:
Մայիսի վերջին տասնօրյակում Միջազգային օլիմպիական կոմիտեն կհաստատի մասնակիցների վերջնական կազմը:
Ձյուդոյի Հայաստանի հավաքական մայիսի 1-ից 8-ը վերականգնողական-առողջարարական հավաք է անցկացնում Ջերմուկում: Այնուհետեւ թիմը կմեկնի Անթալիա, որտեղ Լոնդոնի Խաղերի մասնակից եվրոպական երկրների ձյուդոիստների հետ կանցկացնի համատեղ հավաք: Դրանից հետո թիմը միջազգային մրցաշարի կմասնակցի Չեխիայում: Դրան կհաջորդի Խաղերից առաջ վերջին հավաքը Երեւանում, հաղորդում է ՀԱՕԿ-ի մամուլի քարտուղարությունը:
Այսպիսով, Հայաստանի օլիմպիական ուղեգրերի թիվը դարձավ 21:
Հիշեցնենք, որ 2008թ. Պեկինի Օլիմպիական խաղերում Հայաստանն ուներ 25 մասնակից, որոնցից 6-ը նվաճեցին բրոնզե մեդալ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.