ՖԻԴԵ. Լեւոն Արոնյանը զիջում է միայն աշխարհի չեմպիոն Մագնուս Կարլսենին
13:06 31 մարտի, 2014Շախմատի միջազգային ֆեդերացիան (ՖԻԴԵ) հրապարակել է ապրիլ ամսվա վարկանիշային աղյուսակը:
Համաշխարհային Օլիմպիադայի եռակի չեմպիոն Հայաստանի հավաքականի առաջատար Լեւոն Արոնյանը կորցրել է 18 միավոր։ Հայաստանի ուժեղագույն շախմատիստի վարկանիշը կազմում է 2812 միավոր։ Նախորդ ամիս ՖԻԴԵ-ի դասակարգման երկրորդ համարի վարկանիշը 2830 միավոր էր։
Արոնյանը շարունակում է զիջել միայն աշխարհի չեմպիոն Մագնուս Կարլսենին: Նորվեգացու ցուցանիշը 2881 է:
Աշխարհի նախկին չեմպիոն, հնդիկ Վիշվանաթան Անանդը առաջադիմել 14.8 կետով՝ բարձրանալով երրորդ տեղ։ Հնդիկ գրոսմայստերի վարկանիշն է 2785 միավոր։
Ուժեղագույն շախմատիստների տասնյակում են նաեւ ռուսաստանցի Վլադիմիր Կրամնիկը, իտալացի Ֆաբիանո Կարուանան, ռուսաստանցի Ալեքսանդր Գրիշչուկը եւ Սերգեյ Կարյակինը, բուլղարացի Վեսելին Տոպալովը, ամերիկացի Հիկարու Նակամուրան եւ ադրբեջանցի Շաքրիյար Մամեդյարովը։
Հայաստանի հավաքականի շախմատիստներից Գաբրիել Սարգսյանը 63-րդն է (2684), Վլադիմիր Հակոբյանը՝ 72-րդը (2674), իսկ Սերգեյ Մովսեսյանը՝ 76-րդը (2670):
Հիշեցնենք, որ Արոնյանը Ռուսաստանի Խանտի Մանսիսկ քաղաքում անցկացված աշխարհի չեմպիոնի հավակնորդների մրցաշարում զբաղեցրել է նախավերջին տեղը։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.