Հունաստանի Լարիսա քաղաքում անցկացվող «Չելենջ տրոֆի» մրցաշարում հանդբոլի կանանց Հայաստանի հավաքականը 20:27 հաշվով պարտվել է Մոլդովայի թիմին: Առաջին խաղակեսից հետո հաշիվը հավասար է եղել՝ 13:13:
Հայկական թիմից ամենաարդյունավետն Անի Ասատրյանը եւ Կլարա Թերզյանն էին, ովքեր դարձան 7-ական գոլի հեղինակ: 2-ական գոլ խփեցին Լիանա Գիգորյանը եւ Մարիամ Մուրադյանը, իսկ Մարիամ Առաքելյանը եւ Մարիամ Մովսիսյանն աչքի ընկան մեկական անգամ, հայտնում է armhandball.am-ը:
Ավելի վաղ B խմբում ընդգրկված Հայաստանի հավաքականը պարտվել էր Էստոնիային (17:33), Իսրայելին (16:25), բուլղարացիներին (15:24) եւ լիտվացիներին (13:33):
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։