Գեւորգ Ղազարյան. «Վոլինն» ավելի շատ էր ցանկանում հաղթել
00:20 30 մարտի, 2014Այսօր շատ բան կախված էր ցանկությունից: «Վոլինի» մոտ այդ ցանկությունն ավելի շատ էր: Այս մասին հայտարարել է Հայաստանի հավաքականի կիսապաշտպան Գեւորգ Ղազարյանը, ով մարտի 29-ին «Մետալուրգի» մեկնարկային կազմում 55 րոպե խաղացել է «Վոլինի» դեմ Ուկրաինայի առաջնության 23-րդ տուրի խաղում, իսկ Դոնեցկի թիմը պարտվել է 1:3 հաշվով:
«Չօգտագործեցինք մեր պահերը: Լավ պահեր ունեցանք առաջին խաղակեսում, սակայն բաց թողեցինք դրանք: Փոխարենը պատահական գոլ ընդունեցինք մեր դարպասը: Ի տարբերություն մեզ, «Վոլինն» այսօր ավելի շատ էր ցանկանում հաղթել. դա ամենագլխավորն է: Այսօր շատ բան կախված էր ցանկությունից: Հյուրերի մոտ այդ ցանկությունն ավելի շատ էր: Խաղադաշտի վիճակը չի կարող պարտության պատճառ դառնալ: Երկու թիմերն էլ խաղում են նույն պայմաններում:
Ինչ վերաբերում է «Մետալուրգի»՝ տնային հանդիպումներում 18-խաղյա անպարտելիության շարքի խախտմանը, ապա ցանկացած շարք վաղ թե ուշ ավարտվում է: Ես ուշադրություն կդարձնեի այլ հանգամանքի վրա: Արդեն 2 խաղ է չենք կարողանում հաղթել տանը, ինչը պետք է շտկենք հաջորդ տնային մրցավեճում: Այժմ բոլոր մտքերն Ուժգորոդում կայանալիք խաղի մասին են: Պետք է փորձենք լավ խաղալ, քանի որ առաջնության ավարտին քիչ է մնում: Պետք է յուրաքանչյուր խաղում հավաքենք մեր միավորները, որպեսզի առաջնությունն ավարտենք Ուկրաինայի լավագույն հնգյակում»,- Ղազարյանի խոսքը մեջբերում է «Մետալուրգի» կայքը:
20 խաղ անցկացրած «Մետալուրգն» ունի 27 միավոր եւ «Վոլինի» հետ բաժանում է 7-8-րդ տեղերը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.