Ալեքսանդր Գրիշչուկ. Արոնյանի պարտիաներն արվեստ են, նրա ֆիգուրները կյանք են ստանում
13:49 22 մարտի, 2014Ռուսաստանցի գրոսմայստեր Ալեքսանդր Գրիշչուկը մեկնաբանել է Խանտի Մանսիսկում ընթացող շախմատի աշխարհի չեմպիոնի հավակնորդների մրցաշարի ընթացքը, փոխանցում է sport-weekend-ը:
«Զարմացնում է Անանդի խաղը, քանի որ վերջին շրջանում նա իսկապես անհաջող էր հանդես գալիս: Սակայն ինձ համար Անանդը ուժեղագույնն է Կասպարովից հետո: Եվ ինձ զարմացնում էր այն, որ վերջին տարիներին այդ մեծագույն շախմատիստի խաղը խամրել էր: Իսկ հավակնորդների մրցաշարում 44-ամյա Անանդն իրեն բնորոշ մակարդակի վրա է:
Արոնյանի խաղը լավ տպավորություն է թողնում: Առաջին տուրում Անանդին պարտվելուց հետո նա կարողացավ վերադարձնել կորցրածը: Նրա պարտիաներն արվեստ են: Նրա ֆիգուրները, կարծես, կյանք են ստանում եւ դառնում են իրադարձությունների մասնակից: Բայց պետք է նշեմ, որ Լեւոնին ժպտաց հաջողությունը Սվիդլերի եւ Մամեդյարովի հետ պարտիաներում: Արոնյանն Անդրեյկինի հետ պարտիան կարող էր հասցնել հաղթական ավարտի, նա բացարձակ հաղթական վերջնախաղ ուներ, սակայն ոչինչ չարեց հաղթանակի համար: Շատ տարօրինակ էր պարտիայի վերջնամասը»,- ասել է Ալեքսանդր Գրիշչուկը:
Առաջին շրջանից հետո Անանդն ու Արոնյան 4.5-ական միավորով գլխավորում են մրցաշարային աղյուսակը։ 8-րդ տուրում նրանք մրցում են իրար հետ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.