Թբիլիսիում ընթացող ձյուդոյի Գրան պրի մրցաշարում Լոնդոնի Օլիմպիական խաղերի չեմպիոն Արսեն Գալստյանը (Ռուսաստան) 60 կգ քաշային կարգում բավարարել է բրոնզե մեդալով: Հաղթող է դարձել ադրբեջանցի Օհրան Սաֆարովը: Այս քաշային կարգում Հայաստանը ներկայացնում էր Գարիկ Հարությունյանը: Նա մեկնարկային գոտեմարտում պարտվեց ղազախ Գաբիթ Եսիմբեթովին, որը հետագայում դարձավ արծաթե մեդալակիր:
66 կգ քաշայիններ Արսեն Ղազարյանը եւ Դավիթ Զազարյանը եւս պարտվեցին մեկնարկային գոտեմարտերում: 73 կգ քաշային կարգում հանդես կգա Դավիթ Նիկողոսյանը, 81-ում Ռաֆայել Դավթյանն ու Անդրանիկ Չափարյանը:
Կանանց 52 կգ քաշային կարգում Հայաստանի ներկայացուցիչ Սոսե Բալասանյանը դուրս մնաց առաջին շրջանում:
Կանանց 57 կգ քաշային կարգում երրորդ տեղն է գրավել Ուկրաինան ներկայացնող Շուշան Ղեւոնդյանը: Հաղթողի կոչումը նվաճել է ռուսաստանցի Իրինա Զաբլուդինան:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։